JC過分性感對唔住阿媽
書展舉行在即，今年有份出寫真的「警鐘模」Jessica C.（JC）與師姐Ana R.昨日出席IPSA全新專門店開幕，突然收起性感的Jessica表示要尊重師姐，故是日收起性感走高貴路線。問到有否留意其他o靚模的寫真？她說：「有睇過，不過覺得佢哋好極端，男人應該好啱睇，（過分性感？）對我嚟講就係，所以我永遠都唔會咁做，我性感要對得住媽咪，我都影過內衣相，我覺得性感係視乎個表情！」
對於其寫真被選為受歡迎程度的第九位，Jessica笑說：「其實我可以嚟香港做嘢，有咁多人對我有興趣，已經好開心，咁樣唔會打擊到我，或者遲啲會排番前啲呢！（會唔會搞簽名會？）公司會安排，但就唔會送抱抱同吻，只會擊掌同合照。」而同場的Ana則贊成書展禁o靚模搞簽名會，她說：「簽名會可以喺第二度搞，書展應該係宣傳啲有教育意義嘅書籍。」
此外，Jessica昨日下午五時現身中環，更前往美甲店扮靚，之後她又前往超市，購買少許餸菜及大包鮮奶才離開。剛巧原子鏸及母親鄭佩佩亦於附近行街購物。
