陳慧琳（Kelly）昨晚應邀出席全新保時捷Cayenne車系活動，談到蝦餃仔日前生日，一家人食飯慶祝外又送了架玩具車氹囝囝，Kelly更自我評分是一百分媽咪，因為夠耐性。
早前Kelly帶囝囝去游水，未料之後囝囝發燒，為了替BB降溫，一日要沖幾次涼，至於在哪兒游水，Kelly醒目的說：「總之係戶外、有水嘅地方啦。」Kelly一直計劃生B再做媽咪，承認不設防隨時準備生！此外，她踢爆夫婿時刻想換車，老公是否對車花心對老婆專一？Kelly說：「佢唔係好花心，但對我就專一，屋企架七人車都用咗十幾年，係我逼佢先換。」
