周迅素服悼舊愛：好難過
【張嘉敏上海直擊】周迅前男友賈宏聲早前於北京墮樓身亡，昨晚周迅懷着哀傷兼一身素黑現身上海活動，她坦言至今仍很難過，同時希望大家給前男友和其家人最大的祝福。
國際品牌施華洛世奇於上海舉行盛大的2010秋冬深海奇緣系列發布會，不少女星包括周迅、舒淇、林嘉綺、霍思燕及張梓琳等均盛裝出席。雖然前男友兼內地演員賈宏聲於北京墮樓身亡，但周迅昨晚仍忍着悲傷出席活動，十分專業。大會昨晚的主題為藍色，但周迅卻以一身素黑的tube dress現身，未知是否以此作悼念？
作真誠的祝福
周迅解釋這是大會提供的服裝，並十分大方說：「我都知你哋會問，所有愛佢嘅人都會好難過佢離開我哋，所有佢嘅朋友都會為佢作真誠嘅祝福。」問到她是否依然悲傷？她說：「當然啦！但大家應該畀佢同佢屋企人最大嘅祝福。（你有冇安慰佢家人？）我有同張楊（《無人駕駛》導演及賈的好友）聯絡，有最新消息會通知我。」至於會否出席喪禮？周迅說要視乎有關人士的安排。
同場的林嘉綺被問到對於香港的o靚模全靠賣弄性感上位，林嘉綺說：「我認為性感要有條件，要符合自己，表現出嚟當然有人鍾意或唔鍾意，各有所好，各人代表唔同族群，好難去區別。」
驚訝「撕」暴片
對於台灣也盛行o靚模風賣弄身材，林嘉綺說：「其實有人鍾意先會咁樣，香港係咪好流行？」當記者告知o靚模曾麗儀（Debby）為宣傳寫真而拍「撕」暴片，林嘉綺即大感驚訝，反問：「係咪導演要求？如果係試鏡或演戲就明白，否則我唔能夠理解點解咁做！咁做真係唔應該。」