海俊傑掃貨有美相伴
一年一度嘅新秀歌唱大賽即將舉行，新秀出身、仲要係九四年冠軍嘅海俊傑，雖然出過唱片，可惜冇鮮明形象，好快就畀人遺忘，既然做唔成歌手，咪轉型做演員，近年佢主要拍電視劇搵銀。
早年有傳佢已經秘密結咗婚添，不過八太早前喺銅鑼灣見到海仔同另一位長髮女子喺百德新街附近嘅名店穿梭，期間見佢哋去咗adidas睇嘢，但係逛咗一陣就出番嚟，之後轉戰附近嘅D-mop。今次海仔就好快睇中咗件衫，同行嘅女友人就企喺旁邊等。之後海仔拎住大袋戰利品步出，女友人即主動挽住佢手臂並肩而行，沿途佢哋仲鬼咁好傾。