白韻琹視富貴如浮雲
最近盛傳謝偉俊（Paul）面臨破產，更指白韻琹跟他廿年，由原本住渣甸山揸跑車，到現在住銅鑼灣坐巴士，面對外間傳言，白韻琹笑說：「的確係，我原本好富貴，幼稚園已經有司機送返學，但富貴於我如浮雲。阿Paul份人平時都係視錢財如糞土，我接受佢都要接受佢所有嘢，廿二年前佢開一日會都收廿五萬，依家做公職，一個月六萬幾。」白韻琹笑稱的確大屋搬細屋，但勝在目前居所有無敵海景，坐公共交通工具又多人傾偈，更獲市民讚她靚呢！
至於謝偉俊也沒好氣地說：「呢啲無聊嘢唔答啦！破產信我哋每日收幾封。」直言律師樓代表破產管理處監管破產個案，笑說：「咁樣嘅信有人攞嚟當係證據，真係好好笑。」