譚耀文呻成年冇工開 星城：佢冇進步過
譚耀文去年約滿楊紫瓊的星城娛樂，他多次指出自己簽約一年，經理人公司工作安排少之又少，令他要靠積蓄過活，約滿後譚耀文即自己做回經理人，四處找工作。
對此，星城娛樂發言人Janet表示：「一直我哋都唔想回應，係唔想傷害佢，但佢一年嚟不斷咁講有關嘅內容，咁耐都冇進步過，佢一心只係想靠品牌經理人公司令佢扶搖直上，但又唔增值自己，佢一話要解約，我哋係無條件同佢解約，佢成日都想拍吳宇森電影做男主角，唔想拍劇，佢簽嗰一年，我哋幫佢接過幾套戲，好似《竊聽風雲》咁，我哋覺得劇本好好，點知佢喺開拍前三日話唔拍，搞到我哋要推戲，好唔好意思。」
拒情慾戲辭演
譚耀文對星城的回應，他說：「訪問我係被動嘅，記者問番我嗰一年做過啲乜嘢，我確實冇工作做，但我冇怪任何人，我同星城係開心分手，亦都好尊敬楊紫瓊。（話你冇增值？）呢啲咁激進嘅說法，不願置評，唔想傷害大家。」至於推掉《竊》片，譚耀文指全因該角色有激烈情慾戲，因自己已為人父，過不了這個心理關口。