阿嬌小方擺自己上枱谷戲

英皇電影《出水芙蓉》昨晚首映，除主角阿嬌、小方外，老闆楊受成率領旗下的泳兒、鍾舒漫、吳浩康、張致恒與一眾英皇小花等出席，有份演出的周秀娜亦以tube dress性感示人。阿嬌與小方雖分開到場，但二人仍默契十足，早前在內地宣傳時曾許下諾言會廿指緊扣出席香港首映，昨晚大方地實踐承諾，二人在台上有如跳茶舞般廿指緊扣，十分搶鏡。

撇低鄧麗欣一晚

談到稍後將到日本宣傳，小方自誇一向受日本女仔歡迎，還自爆：「我個初戀女友係日本人，佢鍾意我靚仔。」不過旁邊的阿嬌卻玩踢爆：「乜你初戀女友唔係fing開你隻手嗰個咩？」小方尷尬回應：「嗰個係我表錯情啫。」二人打情罵俏時洩露小秘密，證明小方以前曾向阿嬌坦白自己的感情經歷。另外，問到小方可有請另一緋聞女友鄧麗欣睇首映？他坦言：「今晚主角係我同阿嬌。」

周秀娜tube dress到場，一臉緊張。	英皇旗下藝人幾近傾巢而出支持阿嬌的新片。	阿嬌細心地為老闆楊受成整理臂上的貼紙。

陳偉霆欲複製MJ

此外，陳偉霆（William）表示未有聽聞有內地女孩照其舊愛Angelababy容貌來整容一事，還笑言很想看看，問到他若想複製誰人容貌，他說：「如果講跳舞我揀Michael Jackson，樣就唔需要，都係做番自己，（歌迷整你個樣呢？）唔好！我又唔係靚仔！」

文：影視組