陳宛蔚想見識迷姦水
美味天使「士多啤梨」周麗欣、「忌廉」麥皓兒、「雜果賓治」陳宛蔚及「橙」鄭瑩瑩，結伴出席榮華六十周年記者會。陳宛蔚和周麗欣自爆因與唐貝詩友好而認識其後父梁鋌鏘。對於梁廷鏘捲入非禮及強姦o靚模案，陳宛蔚說：「我喺英國讀書識得唐貝詩，發生事後冇打畀佢，唔想騷擾佢，但衷心希望佢屋企冇事。」
問到梁鋌鏘有否主動問她們拿聯絡電話，陳宛蔚說：「多數都係say hi。（會唔會好熱情？）佢好好客。（有冇攬住你哋？）嗰度嘈講嘢會挨近啲。」她又直言未見過迷姦水，有興趣見識，好讓她日後可防範。另外，陳宛蔚被拍得與錢國偉行街拖手，她強調雙方是好朋友，當時錢國偉只是扶她過馬路，並稱將來事沒人知道，但有空仍會約對方食飯。