DaDa擔心fans手多多

o靚模今年無緣於書展舉行簽名會，她們為谷寫真集各出奇謀！DaDa與同門李莉琳（Liz）及王梓如（Ayu）的寫真集鐵定本月廿一日於書展開鑼日出售，翌日會到商場舉行簽名會。走入人堆的DaDa坦言擔心安全問題：「之前出席活動，聽助手講有人喺台下講：『好大（指身材），想摸佢！』所以都有啲擔心。」

拒入書展踩場

DaDa表示簽名會設有握手環節，但只限握手，希望fans守規矩不要手多多。她謂：「我已經同公司講咗希望加多啲保安，以防萬一驚有人會搞事，我驚有呢啲突發事件自己唔識處理。」

對於周秀娜等揚言會到書展踩場，DaDa則大唱反調：「我哋唔想同政府作對，都有地方簽名，唔使去啦！既然政府有咁嘅決定，我諗我哋都會尊重。」

Ayu（左）、DaDa及Liz將於廿一日推出寫真，拒絕殺入書展贈興。

Liz於寫真集展現純美一面。

否認翻撻舊愛

另外，有傳DaDa與譚詠麟愛將王宗堯舊情復熾，兩人更不避嫌於微博互相關注，更指DaDa曾向外宣稱難忘王宗堯。DaDa對此否認：「我係話難忘大家以前嘅回憶，但依家我哋嘅感情已經昇華咗，佢有感情煩惱都會嚟問我嘅，所以一定唔會翻撻，依家嘅關係對我哋大家都好舒服。」王宗堯亦否認兩人愛火重燃，他說：「依家只係一般朋友，唔會因為咁而避忌，好無謂。」他笑稱阿倫沒有教他處理感情事，下次見面要好好請教。

文：影視組