Baby鬥心強籲咪信流言

o靚模始祖Angelababy因被人以「Angelababy Yeung」之名在facebook留言，表示：「工作做得唔開心，唔夠人哋好，決定退出娛樂圈。」即引起外界揣測Baby退出娛圈！

熊黛林力撐師妹

不過，昨日正版Angelababy聯同師姐Lynn、汪圓圓、楊汀叮、胡敏珊等人出席第二屆「海港城STYLE Model Hunt模特兒大賽」總決賽活動，Baby親口否認有關謠傳，她直斥事件無聊，並呼籲fans勿信及小心：「我從來冇諗過退出，我係幾有奮鬥心嘅人。」此外，Baby在微博上載做運動的照片，她承認近日每天抽空一、兩小時強身健體，但不肯透露為了哪項工作，問到是否拍電影《痞子英雄》？她封口兼鬼馬地做拉鏈嘴手勢，只自爆做運動搞到似機械人，緋聞男友黃曉明可有心痛和安慰？她即扯開話題。

久未公開露面的Lynn大晒兩吋事業線兼露背搶鏡，對師妹Baby被冒充，她力撐Baby發展好好，不會是她。是否覺得有人刻意抹黑？Lynn說：「呢個世界每個人都有唔同諗法，千奇百怪無奇不有。（你有冇畀人冒充？）有呀，有人用我個名寫Blog，講啲唔會係由我把口講出嚟嘅嘢。（例如：我同城城結婚喇？）梗係唔係啦！」

左起：胡敏珊、汪圓圓、曾詠露肩又騷腿。

模特兒大賽的得獎新人。

o靚模新聞唔啱睇

談到近日o靚模被拒在書展搞簽名會及黃秋生的群妖亂舞論，Lynn說：「呢排啲新聞唔啱我睇，好耐冇睇新聞，唔方便評論。」談到緋聞男友郭富城在新戲中的大肥佬造型，問她是否覺得可愛，她大讚特別，有時間會買飛入場睇。

文：名人組