周秀娜賀西班牙捧盃陪男友去滾

四年一度世界盃掀起全城熱潮，賽果昨日塵埃落定，西班牙大熱勝出，忠實粉絲周秀娜（Chrissie）前晚性感現身奧海城與球迷賽前講波經，現場陳百祥（阿叻）及一眾藝員搞笑講波，又將今屆世盃人氣王「八爪魚阿Paul」擺上枱搞氣氛。近日宣傳寫真集疲於奔命的Chrissie，為配合「洞房」主題，寫真集中她穿白色低胸睡衣在床上海棠春睡，意態撩人，而隨寫真附送的DVD更收錄呼吸聲惹人遐想。至於宣傳策略，Chrissie笑言派腸仔搞噱頭。

晒事業線掀高潮

前晚活動上，Chrissie與男子組合Bro5勁歌熱舞娛賓，穿著性感小背心熱褲勁歌熱舞的她大騷「事業線」和長腿，掀起全晚高潮。為了替愛隊打氣特別在手臂噴上「Spain」字樣的Chrissie卻不知道南非正值冬天，事後尷尬死撐：「吓？咁我要帶番啲足球熱情畀大家！」

Chrissie活動後飛車會合男友Avis睇波，一同見證世紀時刻。結果愛隊勝出，昨日Chrissie自爆賽前與經理人Roy輸賭，她說：「火鍋牙骹戰，結果我哋贏咗食火鍋慶祝，不過Roy話要食八爪魚報仇！」而同場的鍾嘉欣亦是西班牙fans，至愛靚仔韋拿，卻被阿叻插嘴：「唔怪得你飛起林峯啦！」嘉欣刻意迴避，事後她坦言：「唔想回應，試過講錯嘢對雙方都有影響。」

關楚耀笑言要飲蓮藕八爪魚湯，為荷蘭落敗洩憤。

信和集團商場推廣總經理蘇蔡潔蓮（左二）與周秀娜、鍾嘉欣和黃宗澤等出席前晚奧海城舉行的世盃騷。

勸飲蓮藕八爪魚湯

至於擁有荷蘭血統的張致恒（Steven）和熱捧荷蘭隊的關楚耀（Kelvin），賽後微博留言表示好失望，Kelvin更揚言：「支持荷蘭的朋友，都是反八爪魚的自己人。明天大家要飲蓮藕八爪魚湯。飲勝！」索性要「八爪魚阿Paul」置諸死地發洩心頭之憤。不過香港明星足球隊的龍門大將任達華揚言不吃八爪魚，他說：「今屆世界盃太多問題球，睇到無晒心機。八爪魚太高膽固醇，我唔食，寧願清清地食荷蘭豆！」

文：專案組