傅穎風騷露Bra帶
傅穎昨日為南區廟會開動儀式擔任嘉賓，近日轉行健康性感的她，不經意露出紅色Bra帶，散發另類性感，吸引不少龍友拍照。傅穎表示家人向來信觀音，因此閒時亦會求籤問卜：「有次我去南丫島玩，有個婆婆叫我去觀音廟求籤，支籤話我事業同姻緣都喺暑假開始就會好，咁我嚟緊又真係會出書、出碟同出繪本散文集，好似都幾準。」
雙方有默契
她自爆愛情方面亦有着落：「係有人追，都有啱理想條件嘅人。（做咩打動你？）都係啲體貼嘢，我好少同人講內心感受，但係佢係唔需要我講就會明，不過依家仲係了解階段。」
修身着舞衣
傅穎又透露為配合新歌的貼身舞衣，正積極修身：「件衫真係多少少肉都唔得，月尾就有公開演出，希望可以全身每個部位都瘦多幾吋啦！」對於死敵鄧麗欣以新形象示人，傅穎表示會留意：「我知今年好多人都又唱又跳，我已經遲咗，當係壓軸啦！」
文：音樂組