JC捧邊隊死邊隊
Jessica C.與吳家樂昨日出席黃埔新天地活動。穿上波衫配超短熱褲的JC大騷長腿，即場示範玩足球機，可惜舉高腳時不慎露春光。JC得悉後即尷尬地說：「我已經好小心，咁都走光，覺得好尷尬，好彩我有着底褲。」JC表示之前所捧的巴西與德國已出局，故現捧西班牙。問到有否賭波？她說：「我只係同男友賭，輸咗就買T恤畀佢，同埋要罰洗碗拖地。」
另外，首次出寫真集的JC揚言必到書展：「我第一次去書展，不過唔會着得好誇張，都係着便服。（唔畀搞簽名會喎！）人哋支持買我本書，其實簽名係好應該。」問到是否已找簽名場地？她表示公司會處理，並稱於書展外搞簽名會怕惹麻煩。
