Carol唔認冇腦為胸大平反
一向以巨胸作賣點的「浸大E神」楊梓瑤（Carol），從不吝嗇美好身段。昨日她貫徹性感形象，穿上低胸衫出席活動守龍門及扮啦啦隊。她自稱看過調查，證實「波大冇腦」沒根據，實行為大胸女士平反。
昨日o靚模Carol、胡心諾（Rainbow）、椋名凜及朱裕琳出席假奧海城舉行的「PS3遊戲——球王盃總決賽」活動，即場玩足球遊戲。四女分別烏低身扮演守龍門角色，事業線表露無遺，吸引約半百「龍友」狂影。
身材最出眾的Carol表示已習慣面對熱情的龍友，被問會否覺得常作性感打扮容易引人犯罪？她說：「我都冇成日咁着，都係工作要求架！平時出街都會着鬆身衫。（係咪行性感先有工作？）夏天就冇乜所謂，冬天就會封胸着樽領。（怕唔怕封胸冇人影？）如果真心鍾意我嘅人唔會淨係留意我個胸。」
Rainbow自認長腿
Carol自信除了身材吸引外，樣貌亦不俗。問到會否介意別人說她波大冇腦？她說：「人哋要講我都控制唔到，不過我睇咗一啲調查，話波大冇腦係冇根據。」
同場的Rainbow因身材不及Carol被搶風頭，事後她不屑Carol以大胸作賣點，竟暗寸對方：「我覺得自己都唔差，我有長腿，而且遲啲我都會唱歌同跳舞，唔會淨係focus身材。」Rainbow又透露將會效法周秀娜踩入書展，屆時會在場內派冬甩給粉絲。問到會否親自餵fans食？她笑言：「睇吓fans有冇要求，如果係合理都會有求必應。」
文：名人組