Annie G.Steven世盃血拼
世盃決戰在即，擁一半西班牙血統的混血兒MonsterBeez成員Annie G.，跟荷蘭混血兒歌手張致恒（Steven）各自熱捧自己的國家隊，他們一碰面就火藥味十足，除各自出口術支持自己國家外，更喪咒對方隊員紅牌出場。Steven最想西班牙的龍門卡斯拿斯出場，他說：「佢哋個龍門真係好犀利，乜都擋到，換咗出嚟隊波即刻差好遠！」
飛機上祈禱
雖然決賽時Annie G.已在飛機上，無緣觀戰，但她仍會衷心祈禱：「我睇咗咁多屆世界盃都支持西班牙，最鍾意韋拿，佢入咗好多波，好勁！荷蘭希望埋今日，比賽完之後就冇架啦，我會永遠支持西班牙呀！」其後她又用流利西班牙文叫隊員加油。Steven則用荷蘭文跟荷蘭隊說「我愛你」，他對自己國家隊寄予厚望：「咁多年都係二奶命，今次真係踢得好出色，希望最後可以勝出！」
