樂基兒做運動唔預黎明
黎明嫂樂基兒（Gaile）是老公金句的知音人，她更力撐老公的金句內含大道理，需要時間慢慢去了解。她還樂意為聽不明白的人解畫，與老公同樣歡迎大家就金句發問，以實際行動支持老公。
Gaile早前曾表示明白老公黎明（Leon）的金句，昨日她出席「BMW研發綠色技術為地球打氣」活動時，再被問到有關Leon的金句，她即力撐說：「其實佢講嘅嘢都有佢嘅大道理。（你聽得明？）要畀時間慢慢去了解，我有時間，佢講嘅嘢我明架。（佢嘅連體嬰理論你明唔明？）我明架，佢有解釋畀我聽，我覺得佢係啱嘅。（佢點樣解釋你聽？）我中文唔係幾好，佢會用啲簡單嘅中文解釋畀我聽。如果你哋以後唔明白可以問我。」
而向來支持環保的Gaile就分享她日常生活中如何做到環保，她說：「平時我會買餸，倒垃圾會分類。」Gaile又透露夏天會跟女性朋友一起玩水上運動，但就不會預Leon份，她說：「我同佢不嬲都唔一齊做運動，我哋各有各做，都有玩跑步機。（喺屋企一齊玩？）分開，唔可以兩個人一齊喺上面架嘛。」
獲Anna贈簽名特刊
另外，前晚於上海出席意大利品牌Ermenegildo Zegna一百周年慶典的Leon，除獲品牌第四代傳人Gildo Zegna和Anna Zegna親自款待外，還坐在一起看時裝騷。當晚Leon以No.1編號的嘉賓身份赴會，入場券是以精美皮套包裝的高科技IC Card，且獲Anna送贈親筆簽名紀念特刊，盡顯其尊貴身份。坐在嘉賓席的Leon除與內地演員張靜初交談外，還拍攝了蒙古女歌手薩頂頂的表演。
文：名人組