張敬軒鋼條身形 立體呈現

實力派歌手張敬軒（軒仔）早前推出《軒動心弦演唱會》DVD，這場演唱會軒仔可說是落重本的一次，花上過百萬打造各款水鑽造型，他回憶說：「嗰次喺紅館着上水鑽Look，可以話係最閃嘅一次，加上演出前不斷咁去做Gym，外形梗係最Fit最靚啦！」他又笑言推出的DVD不是3D版本，但也可戴上3D眼鏡觀看：「一來可以避免受到我嘅水鑽燦到眼，二來又可以睇到我鋼條嘅身形。」談及軒仔排舞時意外受傷，他指排舞時弄傷右腳骹位，他打趣說：「如果將整個個唱嘅醫藥費計埋入門票度，一定好貴，但依家只要買張碟就可觀賞整個演唱過程，真係好抵買。」