劉俐（Kibby）日前經歷了人生最痛，她說：「我牙痛痛到塊面腫晒呀！好似塞咗兩隻雞蛋入口咁腫，搞到我冇晒自信，好怕畀人睇到我個樣，連行街我都頭耷耷，又好怕頭髮被風吹起，畀人睇到我個腫面樣，有啲job仲因為面腫都接唔到！不過我同Vanko（王淑玲）之前各自帶咗自己最鍾意嘅公仔一齊做節目，加上出鏡可以用頭髮遮到塊腫面，總算令我開心番少少！好在面腫消得都算幾快，依家好番好多啦！」