唐寧解放裸出義氣

向來予人感覺保守的唐寧（Leila），日前為幫好友宣傳新開張的美容院，竟破天荒首肯「半裸」上陣拍宣傳照。問到Leila如此犧牲色相是否因為收受了巨額厚酬？她竟答：「唔係喎！呢輯相我冇收錢！（吓？）係呀，間美容院嘅老細係我朋友，我依家啲皮膚咁靚，都係靠佢之前幫我做咗幾次彩光咋！而且我好欣賞呢位朋友，之前內地發生好多天災，佢主動呼籲客人捐款夠三百蚊，就免費幫佢哋做facial，我覺得佢好有良心，所以願意免費幫佢。」

接受性感

Leila強調自己不是大家想像如此保守，只要拍出來效果健康有美感，她不介意作性感「演出」：「其實拍戲都一樣，只要合情合理，要騷性感唔係障礙，但我強調我唔會賣弄性感。」

唐寧自爆護膚心得是多喝湯水。

唐寧勸o靚模拍寫真或做宣傳都不宜過火。

食療護膚

談到不少o靚模拋胸出寫真博上位，Leila表示：「靚嘢係人都鍾意睇，最緊要影嗰個自己覺得舒服，後生想影輯相留念冇問題，但去到過火就唔好……總之太過火嘅寫真，我唔會買、唔會睇亦唔會主張。」

至於護膚心得，Leila則表示最緊要食療：「我覺得飲湯好緊要，如果嫌麻煩，蜜糖水都可以，除咗夠滋潤，原來仲有抗敏功效，對於我呢類敏感皮膚好有幫助。」

文：影視組