傅穎賣舞人鞋合一

傅穎（Theresa）最近轉型做性感跳舞歌手，積極與高跟鞋結合，練成「人鞋合一」穿高跟鞋跳勁舞的絕技，難得拍攝當日穿回波鞋，如履平地使她非常開心。

力谷性感

Theresa強調性感是靠舞蹈動作營造，並正籌備拍攝MV：「韓國排舞老師全洪福放好多性感舞姿落我身上，但我出晒力都唔得，佢淨係覺得我係可愛，希望拍MV時會做到個感覺。（騷「事業線」？）唔知有冇，哈哈！首歌七月會推出，MV有兩個版本，歌衫係特別訂製，好Fit身。」至於歌曲內容，她則大賣關子，只透露是講圈中敏感人物。

懶理銷量

Theresa即將推出寫真及繪本散文集，難免感到壓力：「第四次出散文集，平常心面對，寫真就唔知大家鍾唔鍾意，有回響已經好開心，唔介意銷量。公司冇畀壓力，好信我，我想搵米原康正影寫真同搵全洪福排舞，佢覺得價錢可以就畀我做，全部係我構思，都大壓力。」問到有否覺得離開金牌大風後發圍？她說：「舊公司對我有恩情，我都好鍾意部分同事，大家各有各好，好似情侶咁，既然路向唔同就離開。」

另外，傅穎的寫真集《about her》封面用上露膊照，她笑說：「寫真我都有露，但不會頁頁都見事業線。」她笑言本身保守，平日曬太陽都會比堅尼加tee：「身材比出道時有進步，我露得要舒服自然，夾硬谷只怕弄巧反拙。」

服裝：Lacoste Footwear & Lacoste

化妝：Vince Pang@IL Colpo（TST）

髮型：Cyrus Lee@Beauty Tech

場地：馬可孛羅酒店

文：專案組　攝：黎志輝