何潤東撐大S濃妝無罪

何潤東（Peter）首度投資一千五百萬港元及主演的電視劇《泡沫之夏》，早前被指收視欠佳，首播收視率只得0.85，對於被指「出師不利」，Peter依然充滿信心地說：「睇數字就係麻麻哋，但其實要睇個比率，因為有份播嘅民視（台灣電視台）之前只得0.2嘅收視，之前呢個台係冇偶像劇嘅，根本就冇年輕人觀眾，我哋係由零開始，況且依家都升到1.44收視啦。」他又指主要競爭對手、由藍正龍主演的《偷心大聖PS男》，是於另一有慣性收視的電視台播出，言下之意指兩劇因「主場」因素，難以相提並論。

麻辣火鍋喻劇情

另外，有謂《泡》劇收視差，和女主角徐熙媛（大S）化妝太濃有關，Peter就力撐好友說：「只係套劇嘅問題啫，之後就冇問題。」他又以「麻辣火鍋」形容劇情，指頭幾集的劇情比較「味濃」，但其後會回復「正常」。他又稱在大陸網上指《泡》劇大受歡迎，已成為網上電視劇的NO.1。

親創作慈善紙巾

另外，Peter為宣傳大陸版新專輯而設計的情侶內褲大獲好評，問他可有其他設計？他說一早已推出由他創作的慈善紙巾，並放在網上拍賣，Peter稱：「我希望多啲人知我有呢方面興趣。」