劉晨芝飲奶keep住D本錢
有「亞洲Beyonce」之稱的劉晨芝（Adrienne，圖）形象火辣，日前她便以超低胸裝出席模特兒公司活動，大晒D Cup本錢！問到有何秘訣keep住好身材，她說：「我成日飲牛奶，但唔使加木瓜！我媽咪同妹妹身材都好平，成家人得我係咁！」不過，經常打扮性感的她，「安全意識」原來非常薄弱：「我着低胸裝都唔會黐膠紙，因為我會皮膚敏感，周身紅晒！」她又表示平日練舞亦會穿低胸背心，感覺較舒服，完全無懼走光！
提到最近o靚模頻頻惹來抨擊，Adrienne亦認為時下的寫真風氣不健康：「好多o靚模都賣肉，咁唔健康，尤其係以撕暴做宣傳手法，意識不良，恐怕會增加犯罪率。」