李曼筠貓咪當鬧鐘
李曼筠與父母同住，雖然身邊沒有伴侶但不愁寂寞，因為家中有兩隻可愛的貓咪加菲和囡囡相伴，她說：「兩隻都快將一歲大嘞，唔好以為囡囡係女仔，其實佢係男仔，因為佢行為好女仔，所以咪改名叫囡囡囉。」她指間中亦會與牠們同睡，但每朝七點就會將她弄醒，她說：「佢哋每朝好準時就會叫醒我，就算唔係一齊瞓，都會入嚟我房不停叫。」
砌圖
李曼筠平時喜愛砌圖，她說：「呢副砌圖係我生日朋友送畀我，一個星期就砌完。我可以好專心做一件事，所以特別快完成。我習慣係砌咗個框先，再跟番啲顏色分布再砌埋落去。」
雪櫃
李曼筠極喜歡吃辣，雪櫃有多種不同的辣椒醬，她說：「我哋全家人都鍾意食辣，食乜都會落辣椒醬。連腐乳都要特辣裝。（擔心皮膚差？）我就唔會喎，因為辣嘢可以幫助排毒。」
小衣櫃
「我個人好急趕，所以房內會放小衣櫃，整整齊齊咁放啲外套喺度。只要一趕住出門，就可以好快而隨手拎件衫，幾方便。」