冬甩送寫真畀黃秋生
Donut（冬甩）成員胡心諾（Rainbow）、許麗燕（Irene）、劉瑋欣（Vilian）、曾寶玲（Ar Yu）及何嘉兒（Sweet）昨日穿上露臍裝、短裙拍攝動漫節主題曲《電動樂園》MV，問到為何不見另一成員朱裕琳（Caroline）？Rainbow說：「佢返咗內地行畢業禮。（不和飛走佢？）唔係，我哋好friend。」對於黃秋生日前指一眾o靚模冇青有春，Rainbow坦言不會對號入座，她說：「唔會回應佢嘅言論，相信佢唔係話我哋，個形容詞唔係咁好聽，會令某啲o靚模唔開心，我哋唔想牽涉太多是非。」眾人表示如見到秋生都不會尷尬，問到會否送寫真給對方？Rainbow說：「見到面都會送。」
姜紫藍隔空聲援
至於o靚模姜紫藍今年也有份推出散文集，內頁不乏性感照，對於黃秋生的「群妖亂舞」論引起o靚模反擊，曾與秋生結片緣、在戲中飾演妓女的姜紫藍就隔空聲援他，她說：「秋生問過我正職，我話係娛樂節目主持人，佢教我好多道德操守，同埋講咗佢對娛樂圈嘅偉論，雖然佢今次係有啲一竹篙打一船人，但我相信佢都係一個講道理嘅人，有機會見到佢，我會問佢記唔記得我呢個『妓女』，亦為同行平反一下。」
