楊秀惠牛一收鑽戒受唔起
楊秀惠及苟芸慧昨日出席「7月星辰」活動，於11日生日的苟芸慧表示當天要由朝做到晚，生日願望是自己及所愛護的人都身體健康，至於會否找個男朋友？她坦言：「我都想呀，不過依家唔啱時間咯，因為我要專注工作先，有好多嘢都想進步。」她又謂現仍努力學好普通話，一星期要上兩堂。
至於楊秀惠被問到是否希望男友送上鑽戒時，她反應甚大表示：「嘩，千祈唔好，受唔起。（咁大反應？）其實我都唔想佢買啲咁貴重嘅嘢畀我，希望佢可以儲錢。（儲錢同你結婚？）唔會住啦！要拍好啲劇先。」前男友孫耀威的新歡陳美詩在新劇中將飾演她的妹仔，記者笑問是否她最好的生日禮物？秀惠尷尬表示：「今日係生日會，願望係公司畀多啲工作機會我！」