支持環保 拒開冷氣 基仔房事興合合
古巨基昨日出席活動，向來對環保非常支持的他透露寧願在家「焗桑拿」亦不開冷氣，當記者追問到房事時，基仔即表現尷尬冒汗求饒。
基仔早前為響應環保，以新式膠樽創作瀕危非洲象模型，昨日基仔現身海運大廈為展覽舉行揭幕，現場示範將環保膠樽扭細方便回收方法，笑言動作有發洩作用，問基仔是否視林峯為發洩對象？他否認說：「黐線，無啦啦都講到呢啲嘢，我哋係一家人，關係好好，唔好再炒作八卦喇，香港樂壇你估好過癮咩？都係一齊努力，再係咁就冇音樂o架喇，簡單啲啦，我都想阿峯成績好。」原定昨日出碟的基仔，因印刷問題改為今日推出新碟，基仔就言留待碰面時才送碟給林峯，至於「獅子、巨蟹論」，基仔說：「唔明點解扭到咁，根本唔係咁嘅意思，咁樣下次唔敢搞笑，穩當地答就算，簡單啲啦！」
好少喺屋企做運動
談到環保，基仔表示在酷熱天氣警告下，獨居的他亦習慣不開冷氣。問到跟另一半「甜蜜」時是否齊齊「焗桑拿」？他說：「乜嘢呀，黐線，乜嘢叫sweet緊，其實除咗唔開冷氣，仲有其他環保方法！」雖然努力扯開話題，但仍逃不過記者追問，基仔說：「好少喺屋企做運動，（爆房呀？）你班人呀，愈講愈熱，唔講咁熱嘅題目喇！」
採訪：音樂組