林峯個唱預告接觸女觀眾

林峯昨日為其演唱會主題曲《COME 2 ME》拍攝MV,即場宣布演唱會加開一場,除開香檳慶祝,更獲贈鑽石咪,無綫高層樂易玲及英皇高層吳雨亦有出席。問樂易玲會否為林峯演唱會舉行PART2?她說:「佢之後都要拍劇,下年先算啦。」

早前有指無綫打算力谷林峯,與古巨基爭奪最受歡迎男歌手獎,樂易玲謂:「冇咁諗,加場係因為真係爆。佢喺樂壇仲係細路哥、小朋友,仲有好耐日子學嘢,唔可能同啲樂壇大哥大比較。」

另外,林峯早前為了保持演唱會神秘感,絕口不提當中環節。昨日他終肯稍露端倪:「有一part我會請一位女觀眾上嚟同我一齊表演。(會身體接觸?)都會有少少嘅。(怕唔怕被強吻?)都唔怕嘅,唔好影響我唱歌就得。」

Click選心水港姐,請瀏覽on.cc《香港小姐2010》專輯