陳志雲開咪 陳寶珠預咗喊
陳志雲即將為電台節目開咪，頭炮嘉賓邀得好友陳寶珠，昨日兩人到千萬豪宅進行錄音訪問，志雲坦言仍未為無綫復工，問到有否牴觸？他說：「唔會，有問公司，當然唔係亮相其他電視台，電台冇衝突。（會唔會請無綫藝人受訪？）會，邊個得閒有時間咪嚟囉，不過啲藝人好忙要拍劇，加上嘉賓係電台搵。」
由於節目主題講生老病死，剛受喪母之痛的寶珠姐說：「預咗喺節目講到喊，依家已經平復好多，當然提到個心會唔舒服，有時睇相都會好感觸。」當兩人接受完訪問，有線攝影隊主動邀志雲受訪，初時志雲都表示願意，最後可能因身份問題婉拒，只企在一旁望實寶珠姐。