減肥引誘食雞髀 千嬅鬧老公賤
楊千嬅昨日與古天樂出席慈善跑記者會，去年因哮喘冇玩的千嬅，今年會再落場參與10公里賽，她笑說：「已經好勁，自己唔係後生，將來有仔女會一齊跑3公里親子樂。」
10月開騷的千嬅，最近積極操fit練氣，她說：「依家狀態仲未達標，希望再減4kg，目標係重50kg，我同丁生鬥緊減肥，我哋良性競爭，丁生意志力大過我，不過佢相當賤，成日引誘我食雞髀。」
此外，丁子高昨晚接受電話訪問，自爆與千嬅鬥嘴時，為贏她而搞到把口愈來愈賤，他說：「因為佢係暗裏藏刀。」被問到千嬅指他易手濕時，他就講有味笑話：「我同佢一齊咁耐冇試過出手汗，我對住佢唔會濕，（千嬅有冇濕？）總之佢識咗我之後就唔再dry，因為我係佢嘅甘露。」