古巨基搏命谷碟無肉無球
古巨基為力谷新碟，前晚不惜捨棄欣賞世界盃，寧捱「通頂」製作新歌短片，兼且連續六日出席各大活動爭取曝光，銳意以洗腦式宣傳手法，打破之前新碟「宣傳不足」之說。
基仔昨日出席《時代》新碟發布會，席上除展示了基仔以睡衣造型上陣的新碟封套相外，又播放五首由他捱通宵剪片而成的新碟短片精華。基仔談及睡衣look時，大搞爛gag說：「本來諗住着喱士（款式），但諗過我唔係賣肉。」至於由他操刀的短片，基仔說：「因為要趕喺今（昨）日播，所以要漏夜剪片，剪到成凌晨四點，連荷蘭對烏拉圭場波都睇唔到。」
開迷你個唱
問他的四百萬宣傳費如何運用？經理人霍汶希（Mani）就幫口說：「嚟緊會有迷你演唱會，仲有大量平面、電台、電視台嘅廣告宣傳，有兩大贊助商支持。」基仔更會連續六日出席各大活動，務求日日見報力谷新碟，他笑說：「問你死未？不過都幾辛苦。」據知其「勁敵」林峯也同期出新碟，可擔心資源分配問題？Mani則說：「林峯喺月底，相差近成個月。」
難頂公主病
基仔的新碟以《獨男》、《鑽石敗犬》及《公主病了》為歌名及主題，問基仔可曾遇上有「公主病」的女友？他說：「未試過，但身邊就好多『鑽石敗犬』（意指未嫁的事業型中女），我好大男人，如果有『公主病女友』會有好多頂撞。（你係咪好難頂？）咁要睇吓大家夾唔夾到啦。」哪基仔可已遇上「啱key」女友？他拒談，又說不明傳媒為何每次都圍繞此話題，他自言會以「hea」的答案回應，因他有首歌叫《hea》。
採訪：音樂組