(11)李文煊細變西險爆粗

十五位候選港姐昨日現身尖沙咀溥儀眼鏡旗艦店，換上多款眼鏡行catwalk，爭奪「時尚目光獎」，由導演陳德森、無綫監製梅小青及溥儀集團行政總裁夫人邱李茂琪擔任評判。在佳麗互選環節中，(5)莊思明及李文煊獲最高票數，但最終湯寶珍才是評判至愛。事後梅小青讚湯寶珍有氣質及可塑性高，看好她可接佘詩曼棒做女主角。

朋友經常糾正

問到是否想拍劇？湯寶珍謂：「未試過，唔知感覺係點！（想演咩角色？）想扮卡通人物，日本戰隊嗰啲，載歌載舞，小朋友見到會好開心！（冇佳麗選你，人緣差？）唔關事，只係審美眼光唔同。」

崔建邦與梅小惠不停講爛gag搞氣氛。

湯寶珍否認人緣差。

人緣甚佳的李文煊在台上險爆粗，她介紹某佳麗時竟將「面細」講成「面西」！事後她謂：「吓？咩意思？（黑口黑面咁解。）點寫o架？我會上網search。（平時冇人糾正你？）佢哋成日提點我，可能我今日緊張！」同樣獲不少佳麗支持的莊思明分享人緣好心得：「攞個心出嚟，人哋都會對你好！」

梅小惠搞爛gag

至於司儀梅小惠及崔建邦不停講爛gag搞氣氛，小惠更將(8)彭慧中說成胡慧中，又指「要請肥姐上嚟」。她解釋沒有對已故的沈殿霞不敬：「玩吓啫！我好尊重肥姐！」崔建邦則表示未知會否擔任港姐決賽司儀，但坦言想做。

另外，十五位候選港姐、林峯、馬國明及劉俐等，昨凌晨到奧海城出席直播節目《頂Cup世界盃嘉年華》，更大玩遊戲。由於港姐翌日要早起出席宣傳活動，李文煊對此大呻辛苦，並謂已習慣睡眠不足情況。

文：影視組