陳靜笑對批評有春好過冇
o靚模被黃秋生公開狠罵「冇青有春」，陳靜直言，希望黃秋生熟悉她們，對她們有新的認識。至於新八模更大力反擊，Hidy認為他應該去教會，要識得尊重人！
o靚模書展大戰受阻，未影響各人曝光，早前黃秋生公開狠批o靚模「冇青有春」，陳靜笑笑口表示不太介意，並說：「青春有一半都好呀！希望佢熟悉啲我哋，對我哋會有新嘅認識啦！好多謝秋生有留意我哋。」
勿一竹篙打一船人
而昨日新八模的Hazel、Hidy、Rika及Vibeke出席活動時繼續不甘示弱，Hidy說：「人身攻擊唔好囉，佢應該去一去教會，要先識尊重其他人，我哋接受意見，都係針對件事唔係針對人。」至於Rika則說：「面對呢啲事都有啲驚，唔係好明點解要歧視我哋，覺得好恐怖好傷害。」新八模直言不應一竹篙打一船人，至於將來若有機會與秋生合作會否尷尬或拒絕，她們說：「唔會，佢係一位有地位嘅藝人，希望用實力去證明畀佢睇，令佢跌眼鏡。」
書展翌日搞握手會
今年各o靚模被書展拒諸門外，不過大家都各出奇謀造勢，陳靜與同門的Liz（李莉琳）及Ayu已鐵定於書展開鑼第二天7月22日進駐新太陽廣場舉行簽名握手會，讀者可於會展購書然後攞籌和她們見面，陳靜說：「好開心終於都可以同fans見面，亦好開心有客戶支持我哋喺商場舉行簽名握手會，咁即證明我哋都唔係咁低俗啫。」至於會否性感上陣，陳靜表示客戶給予很大自由度，自己會以靚為主。另外，Angelababy簽名會亦會移師海港城，於7月24日舉辦。
文：影視組