諸葛幫男友解畫跣腳變攬女

諸葛梓岐的男友薛嘉麟自被爆與o靚模遊船河後，二人的感情一度亮起紅燈，不過事隔沒有多少天，Marie與男友已和好如初。薛嘉麟為箍煲先赴台灣會合在當地工作的Marie，二人由台返港當天（本月四日），連衣服也懶得換，便急急到數碼港拍拖睇戲。

有工作去唔到船河

當晚約晚上11時許，記者發現二人剛看完電影《吸血新世紀3》，便十指緊扣步出戲院，期間Marie不時被男友氹得不停甜笑，看來Marie與男友已全無芥蒂，之後Marie就由男友駕車送返寓所。

諸葛梓岐在台灣穿着的便裝，與拍拖睇戲時的一樣。

諸葛梓岐與男友薛嘉麟在人前甚為恩愛，儼如模範情侶。（資料圖片）

另外，Marie昨日赴廣州，為2010第三屆中國「新塘」國際牛仔形象大使大賽發布會擔任嘉賓，對男友被女攬一事，Marie表示已過去，並非新聞，強調自己相信男友，又稱早知對方當日遊船河，她說：「我當日有嘢做，所以去唔到。（有女仔攬佢。）可能玩得開心，或者個地好滑跣親所以就扶住佢。（睇到報道有冇嬲？）我睇到第一個反應唔係嬲，而係點解唔係調番轉，乜唔係個男仔攬住女仔o架咩？所以我就冇嘢。」

諸葛梓岐拖實男友邊行邊笑，可見「遊艇攬女」已事過境遷。

數碼港睇完戲，薛嘉麟先送女友諸葛梓岐回家。

o靚模寫真不算過分

Marie又否認早前男友赴台見她為箍煲，問到對方有否向她解釋？她笑笑口說：「佢有同我講話自己出去玩畀人影到，叫我笑下囉。（佢同你講畀女攬因為個地滑？）冇特別講。總之遊艇個地有水，有水就會滑，所以跣親。」

提到o靚模被禁在書展宣傳，她不認為o靚模寫真過分性感，她說：「靚咪得，我覺得冇乜嘢，佢哋身材好好，皮膚仲好滑。」還稱若男友想買也不會介意，並會叫對方介紹一齊看。

攝影：追蹤組