阿嬌遭狂迷踩場嚇窒

對於被狂迷踩場，阿嬌說：「我喺台上一眼就見到佢，即刻攞把遮，防佢埋身。（導演笑你同小方嘅緋聞？）導演問我好多嘢，我都好無奈，（會否翻撻？）冇機會發展，我鍾意導演多啲，（因鄧麗欣對小方有信心？）我睇報道佢唔係咁講，（目及實鄧麗欣？）我睇微博！（票房過五千萬泳衣示人？）我被迫，但希望票房好。」

預告廿指緊扣

而小方亦否認翻撻阿嬌，他說：「我係電磁爐，只傳熱，冇得撻，唔係喺埋一齊就戀愛嘅！（怕鄧麗欣詐型？）冇！（將緋聞當宣傳？）唔係，大家經歷咗好多，感情昇華，大家明白，首映我哋會廿指緊扣出現。」

番禺007欲上台親近阿嬌，被保安阻撓。

小方相當受女性歡迎，有女粉絲見到他表現興奮。

劉鎮偉則說：「我一直覺得佢兩個拍拖，一路想求證，成日問住，但佢哋到今日都否認，我只好信佢哋冇拍拖。」

受訪感觸落淚

此外，阿嬌在接受內地傳媒訪問時，提到劉導演對她這幾年來的支持，不禁感觸落淚。