林峯鍾意聽基仔唱歌

林峯昨與電影《翡翠明珠》的拍檔蔡卓妍(阿Sa)齊齊到馬場出席宣傳活動,席間為一匹白馬蓋被,未知是否太熱,白馬影完相後即就地大便。對於近期歌影視處於攻勢,被指是鋪排攞男歌手獎,林峯強調自己已有一年沒拍劇集及出唱片,是之前儲下來的工作,因此氣勢蓋過同公司的古巨基,林峯說:「冇新聞,我哋同公司OKo架,我都鍾意聽基仔唱歌,(基仔話佢係獅子,怕唔怕佢食咗你?)咁巨蟹座就打橫行咩!不過我係天蠍座,鍾意自由。」

另有指林峯的微博關注度是受歡迎之列,但他澄清並未有開微博:「我冇Facebook冇微博。」而阿Sa則滿意自己在微博的關注度:「過去十年去過邊度同埋做過啲咩好快唔記得,我又唔寫日記嘅,依家有微博可當係日誌,畀自己知道做過啲咩感受番。」

Click選心水港姐,請瀏覽on.cc《香港小姐2010》專輯