祖兒咕o臣嘴市場無限

容祖兒（Joey）、劉青雲、張衞健前晚出席《反斗奇兵3》首映禮，Joey更穿着品牌Midnight Rendez Vonc的卡通衫出席，她說：「我想隆重啲，但又唔會着低胸、deep V嚟，所以選擇另類隆重，呢件衫唔係任何場合都着到。」祖兒坦言十年前為此卡通電影唱過插曲，今次更自薦聲演，問她是否因為劉青雲，她說：「一來啦！不過我一路都好鍾意呢套卡通，同經理人講任何角色畀我配都開心，不過配音都係一門學問，比唱歌更難。」

大讚專業

對於有指林峯拍電影《翡翠明珠》時不肯咀她，祖兒聞言即謂：「邊個唔想錫邊個唔知嘅！（係你唔想？）嗰場戲喺風沙度拍，可能驚整到人，不過林峯個人好易話為，又唔係要伸脷，好普通！佢好專業，相信佢唔會，我個嘴成個咕o臣咁，OKo架！」她又謂：「是但啦！唔通話林峯咀我，我唔願意咩！佢依家係萬人迷嘛！」

青雲護友

至於劉青雲被問到好友黃秋生大罵o架模一事時表示：「秋生好率直，係好坦白嘅人，佢講嘅嘢係啱嘅，但以朋友身份，我覺得佢略為激咗啲，佢態度有問題，但發表意見係冇問題，但係咁鬧人，人哋點接受。（你點睇o架模入書展？）行為絕對過分，但唔畀佢哋入要畀個解釋佢哋囉！」有指秋生「捉蟲」，反被o架模寸熟悉妓女，青雲即笑謂：「吓！唔係嘛！大家要明白一點，秋生佢有正義感先咁講，佢冇心傷害人。」青雲表示他認識一、兩個o架模，但最後都只能說得出周秀娜的名字。此外，其太太郭藹明有份主演的劇集《天地豪情》再掀熱潮，青雲表示忙於拍戲沒有收看，又笑言：「咁推佢出嚟做吓都好喎！」

劉青雲（左起）、容祖兒、張衞健老友鬼鬼與卡通人物大合照。

祖兒與「胡迪」擊掌。

文：影視組