嘟嘟谷畫冊唔使賣性感

李克勤昨日為電台節目開咪，邀得鄭裕玲（嘟嘟）接受電話訪問，嘟嘟開口即表示在無綫很久沒見克勤，並慰問他說：「你好嘛？」克勤笑說：「我好好呀，我都係搭埋同一條船，只係航道偏差咗，公司掌舵側側哋。」嘟嘟透露書展將推出畫冊，並會舉行簽名會，主持人林海峰抵死說：「係咪會着低胸衫？」嘟嘟即發火說：「我係阿姐嚟，使唔使出呢啲手段。」臨收線嘟嘟再問克勤：「你幾時返去（指無綫）？」克勤嘆氣說：「我點返？家家有本難唸的經。」對於無綫將會插播自製球評旁述第三聲道，有線有感無綫違規，克勤說：「我都好想睇有線點Cut，聽客戶畀人Cut就多，未聽過有線會Cut人，都幾得意，原汁原味去播，加啲嘢唔得？畫中畫做手語得唔得先？」