Baby獲曉明保護甜絲絲
屢被傳整容的Angelababy，獲緋聞男友黃曉明力撐真材實料，她即甜絲絲謂開心獲保護，兩人感情再度升級。而對黃秋生抨擊o靚模，Baby直言部分o靚模行為過火，對將來前途影響甚遠。
Angelababy昨日出席ctf.2活動，對於緋聞男友黃曉明力撐她沒有整容，她表示身邊朋友都有摸過，被問到摸哪裏，她說：「摸面，任人摸，其他地方好私人，唔需要證明，自己知就得，確實我細個影咗啲唔靚嘅相，但實在太多人講，所以年底前搵醫生檢查塊面，還我一個清白，睇吓有冇傷口，照吓X光，而之前有不實嘅報道會採取法律行動。」被問到點解要等年尾？她謂因為暫未找到醫生，續說：「如果有醫生搵我，隨時都可以。」獲黃曉明力撐，是否表示感情浮面？她甜笑地說：「我身邊好多朋友都支持我。（係咪公開關係？）我唔想講私人嘢。（佢好保護你？）我好開心身邊有好多人保護，都希望自己變得堅強，可以保護番佢哋。」
指o靚模玩得過火
另外，黃秋生近期抨擊o靚模，Baby說：「每人對事件有自己的睇法，佢哋做嘅都要付出努力才能成功，但為將來着想，可能唔係咁好，部分會有啲過火，不過呢啲係佢哋自願付出，得到成功或失敗都要自己承受，我都唔可以講啱定係錯。」
自製竹筒送仔女
身為中國保護大熊貓愛心大使的黃曉明，日前抽空到上海為其收養的雙胞胎大熊貓「平平」及「安安」慶祝兩歲生日，還親自用熊貓愛吃的胡蘿蔔、蘋果等製成的生日蛋糕餵餔兒女，場面溫馨。另外曉明還預備了一個大竹筒作生日禮物，充滿父愛的他笑謂：「筒內會放進熊貓愛吃的食物，吸引它去滾動竹筒，以這樣的方式讓熊貓可以運動的同時，也可得到娛樂和食物。」
文：名人組