城城脹爆含膿奔走
郭富城為拍新片，不惜拋棄靚仔形像扮肥仔，每次化特技妝都要花上四小時。由於用上大量膠水，令城城下巴又紅又腫兼含膿，再加上拍攝時要孭着十多磅棉衣走來走去，苦不堪言！
城城於寰宇電影《全城戒備》中有多個造型，其中一個更要扮肥仔。為了演活肥仔角色，特技化妝師每天要在他臉上塗上很多膠水，城城說：「每次化妝都要花四小時，當你着住厚衫，身體即刻流汗全身濕透。又要戴面皮或者頭套，下巴開始出現皮膚敏感，變得又紅又腫，甚至含膿。」雖然苦不堪言，但與城城有多場對手戲的舒淇，大讚肥版城城很可愛。
穿十幾磅棉衣
最令城城難忘的一場戲，是在漁村被追打的戲份。劇情講述他上岸後來到漁村，因為又餓又累，連鹹魚都生吞。由於拍該場戲要走來走去，令城城熱到飛起。他說：「嗰件厚棉衣十幾磅，着起嚟跑好花氣力，不停流汗，一夜之間就換咗三十幾件汗衫。」雖然辛苦，但城城認為這是一次很好的經驗：「諗番起今次拍攝經驗，覺得好得意，因為從來未見過自己咁肥咁脹。」
由於《全》片涉及超現實造型，電影特別找來張叔平擔任美術總監，並重金禮聘荷里活頂尖特技化妝師為演員化妝。導演陳木勝說：「荷里活嘅特技化妝師非常專業，佢哋會安排四名化妝師為一個演員化妝，去處理不同部分同繁複嘅工序。」
文：影視組