樂基兒愛聽黎明金句

黎明嫂樂基兒的嘴唇出名性感，但她昨日出席Max Factor的活動時就直言不覺得自己的嘴唇性感，但就覺得比較大和厚。她又謂老公黎明沒有讚過她的嘴唇：「我哋好少讚對方，大家鍾意咪得囉。（老公個嘴唇點？）男仔最緊要有番自己性格就OK，我係鍾意佢個人，唔係鍾意佢個唇。（鍾唔鍾意佢啲金句？）鍾意o架，我聽得明，知佢表達啲咩o架。（佢平時會唔會對住你講？）都會o架，我明o架。可能係我畀Support佢，所以佢至成日講。（有冇聽過黎明嘅金句「我唔可以空肚食早餐」？）點解唔可以空肚食早餐？」看來也不是很明白。而對於有傳與黎明鬧離婚，樂基兒昨日否認，指有關傳聞完全無中生有。