古巨基自認醋王
古巨基昨日以代言人身份出席雪糕活動，並帶同七歲大的囝囝Kubi撐場，基仔特別將Kubi設計一個「哈哈笑」圖案，笑言今次父子兵上陣酬勞打孖上。基仔自爆是個呷醋大男人，問到是否因大男人而不願結婚？他口窒窒說：「無關嘅，拍拖最緊要一凹一凸。」問到緋聞女友兼女助手Lorraine是否經常受他的脾氣？基仔說：「作為波士嘅我脾氣好好。」
基仔坦言多年前已知有手術可止手心流汗，他說：「不過唔係手心流就係其他地方流。（有冇尷尬事？）有，拍嘢要摸女主角塊面，搞到對方塊面濕晒。」同場的沈潁婷透露兩年前接拍的亞視劇集《法網群英》即將出街，她說：「不過唔開心係仲未收到片酬，因為舊公司執咗，冇人同我追。（筆數好大？）對我新人嚟講算大，希望劇集出街會多番啲工作。」