Carol 自度防狼三招
昨日爆出有o靚模在夜店疑遭迷姦，即惹起哄動，多間模特兒公司下令嚴禁旗下o靚模夜蒲。「浸大E神」楊梓瑤（Carol）承認公司下禁令，並自度防狼三招自保：「公司叫我哋唔好出入夜店同保護自己。平時我會勤練泰拳，去蒲亦只會與相熟嘅朋友，最緊要唔好飲陌生人畀嘅飲品，被人迷咗就幾好打都無用。（有無試過夜蒲被抽水？）無，試過與朋友去酒吧消遣，有個陌生男人伸手畀杯酒我，我梗係拒絕啦，我都唔識佢，佢叫我飲就飲咩！」
至於「新八模」的徐熙素（Hazel）和馬卓寧（Vibeke）揚言少夜蒲，飲酒亦只淺嘗。Hazel說：「咪以為o靚模無戒心，我唔去舞池，因為多人易被抽水。」
而推出「妄攝」寫真的「爆E超蓮」鍾永慧（Iris）和「翻版李嘉欣」陳雅絲（Cat）亦坦言：「經理人話要我哋多休息，Keep好啲皮膚，唔准出夜街。」對於好友唐貝詩家人牽涉其中，Iris說：「我會SMS和打電話問候佢！」此外，Cat被傳出席富豪飯局，她支吾解釋：「我只係去餐廳借廁所，唔認識富豪，擔心被誤會包養或援交，影響形象。」
