Mia爆梁廷鏘熱情主動

雖然有關案件已交由警方處理，但因Patrick貴為城中名人，加上事件牽涉o靚模，頓成城中熱話。有報道指案發當晚（上月27日），新八模之一的Mia在事發前數小時也曾現身灣仔夜場Space消遣。本報致電Mia求證時，她急急否認當晚夜蒲，還更正在Space碰上Patrick的日子是上月18日。

被搭膊即縮開

據知，除Mia外，當晚她的好姊妹Saiyi（莊茜宜）、「藍莓」劉俐和Kama（羅凱珊）亦有現身上月18日在Space舉行的派對。問到27日有否見過Patrick，Mia說：「其實我27日都冇去玩，只係喺上月18日於Space見到佢（Patrick），嗰晚我哋連招呼都冇打！」雖然Mia強調沒有在案發當晚與Patrick有任何接觸，但她直認自己認識Patrick：「五月我去過FEVAR（梁廷鏘有份投資夜店）出席朋友生日會，Patrick都在場，嗰次係我哋第一次見面，唔知係咪佢太熱情，就用手搭一搭我膊頭，我梗係即刻縮開啦！」她又表示與對方不熟落，對於其為人不予置評。

Mia（左二）與Saiyi（左）上月18日曾到Space消遣。

梁廷鏘

至於當晚陪Mia到Space夜蒲的Saiyi，亦覺被拖下水大感莫名其妙：「其實嗰晚我只係陪Mia去玩，一個鐘就走喇，我根本唔識邊個係梁廷鏘，對佢全冇印象，而嗰晚只有Mia畀酒我飲，但因為第二朝要早起身，我一杯都冇飲過！」Saiyi更表示案發當晚，根本沒有外出：「我26、27日都冇出夜街，因為28日我跟同學早機飛去日本玩！」

Jeana昨日出席活動，承認早已在FEVAR認識梁廷鏘。

劉俐跟梁廷鏘劃清界線，表示兩人見到面亦沒有傾偈。（資料圖片）

劉俐劃清界線

至於劉俐亦與Patrick劃清界線，只承認在上月18日確實在Space碰見對方：「嗰晚我係有見到佢，但佢喺另一間房，而我只係同一大班朋友傾偈，所以冇乜交流，報道話我只逗留一分鐘係為咗見佢就更加唔啱，因為我都留咗成個鐘。嗰晚我只係去過灣仔，絕冇去過蘭桂坊，真係唔知發生乜事！」昨晚她在微博上更留言謂：「無奈……只是去朋友慶功路過而已！」Kama則否認曾到Space夜蒲。同為新八模之一的Jeana，她表示雖然案發當晚及上月18日都未曾抵FEVAR或Space消遣，但她承認早前在FEVAR認識Patrick，她說：「我係有見過佢，亦有同佢傾過偈，佢好好人，請我飲嘢！我嘅印象中Patrick好friendly、好客氣，唔覺有乜異樣！」

至於寇鴻萍女兒唐貝詩雖然整日未見外出，但昨晚約十時，其男友Eric（毛玉萍兒子）平日乘坐的七人車駛入了寇鴻萍位於堅尼地道的寓所，未幾全車拉上窗簾離開，並四處遊花園，最終返回毛玉萍的大宅。

文：專案組