冬甩比堅尼水戰撼港姐
無綫「港姐」殺到埋身，一直懶懶閒的亞視終於出招，找來一班近期「禁足書展」的o靚模「興波作浪」，演出水運會節目，對撼八月一日舉行之港姐騷。
亞視見o靚模被封殺而提供出路，製作以性感泳裝作賣點的節目《青春無敵Free D水運會》，給由胡心諾（Rainbow）率領的組合「冬甩」和「浸大E神」楊梓瑤（Carol）孭飛。而亞視為狙擊港姐，更考慮將《青》錄影，讓他們能隨時調動對撼。
消息昨得亞視高層葉家寶證實，他稱o靚模今年遭書展「封殺」，所以亞視給她們透過電視台渠道亮相，葉說：「其實呢個水運會係想考驗一班o靚模嘅體力同埋合群性，唔止sell性感嘅，但話明水運會，當然會以三點式上陣。」而Rainbow、Ar Yu和Irene都有信心可以撼贏港姐，她們覺得自己年紀輕身材又好，與煲煙攬仔的港姐相比絕不輸蝕，而Carol則稱各有各做。
港姐拉隊行街
此外，一班港姐昨早返電視城上堂後，(2)張莉莎、(4)文凱玲、(5)莊思明和(6)林碧珍結伴打的離開，期間張於新蒲崗落車後，其餘三女便於尖沙咀及黃埔shopping，未有將與o靚模對撼之事放在眼內。
文：影視組