呂良偉體貼幫太太切包
呂良偉（阿呂）最近出咗本自傳，理應係開心嘅事，點知搞到滿城風雨，佢老婆楊小娟睇唔過眼，第一時間挺身力撐老公，話阿呂係一個好老公、好爸爸。
阿呂自與太太楊小娟結婚後，冇幾耐就生咗囝囝善揚，囝囝今年都已經七、八歲大，雖然兩公婆結咗婚咁多年，但到依家都好似以前拍拖咁恩愛。
早前八太又喺佢哋經常出沒嘅置地廣場，見到阿呂同個男性朋友喺間餐廳度飲嘢吹水，兩支公傾咗半粒鐘左右，阿呂老婆小娟同幾位朋友殺出。當老婆一坐低，阿呂即刻幫老婆落柯打，之後見老婆傾緊電話，仲好細心幫老婆切麵包，切細件啲等老婆易入口，咁體貼，真係羨慕死人！