楊千嬅小象腿中環歎茶
前排八太喺中環行街，見到呢期忙緊籌備十月個唱嘅楊千嬅，搭七人車喺酒店門口落車，戴住黑超、拎住個Chanel手袋，千嬅一見到八太就主動Say Hi，之後就話：「你哋真係勤力嘅o架！」然後就急急腳上咗附近一間餐廳會合朋友飲茶。
入行以來，千嬅成日畀人話「甲組腳」，所以咁多年來都好少見佢露出一雙小腿，就算佢點樣做運動、食得清淡啲減肥，都只係瘦身唔瘦腳，最近就有報道話佢去咗做抽脂手術將象腿踢走。不過，呢日見千嬅着住條黑色Leggings，雖然一雙小腿睇落係Slim咗少少，但係依然有啲粗壯。其實都唔緊要嘅，老公丁子高唔介意咪得囉！