舊愛娶鍾麗淇 胡杏兒送祝福
胡杏兒昨日出席按摩椅活動，期間以按摩椅比喻男友，笑指機器按摩真實，若然有男友按摩亦會捨棄，事後被問到是否捨棄緋聞男友黃宗澤？杏兒即面露尷尬之色。剛歐遊回港的她，自爆於倫敦街頭被外籍男士求婚，嚇得她急急「Say Bye」。問到有否把此事告訴黃宗澤？她謂：「關佢咩事？」對於有傳其前男友近日與鍾麗淇奉子成婚，杏兒表示略有所聞：「戥佢哋開心（襯唔襯？）OK，幾好吖！希望佢哋開心。（你急唔急？）呢個世界好難搵。（係咪黃宗澤唔夠好？）總之尋覓當中。」
此外，擔任鍾麗淇伴娘的湯盈盈，被問到好友是否奉子成婚？盈盈說：「唔知係咪真。（有咗4個月？）唔知，唔方便講，問番當事人，佢依家飛咗去度蜜月。（羨慕嗎？）戥佢開心，由佢拍拖睇到結婚。」