廖碧兒箍掂陳豪認sweet

廖碧兒昨日與Mandy Lieu、梁政珏和陳萌等出席Clinique美肌聚會，穿上紫灰色喱士低V裙的Bernice頗為性感，但她強調裙子有三層，十分安全。

面對阿佘唔怕尷尬

對於有指她胸壓陳豪擊退第三者佘詩曼？Bernice有備而來地說：「我冇喎，我有睇過報道，不過我唔知道。（話你翻撻佢喎？）我哋不嬲都係好好嘅朋友，可能之前我唔喺香港時間多，所以以為我被冷落咗。」

問Bernice與陳豪是否依然好sweet？她說：「不嬲都好好，不過佢都飛得好多。」她又謂事後沒有見過佘詩曼，記者指阿佘避走香港療情傷？她笑說：「人哋寫啫，做我哋呢行好多時都要出埠工作，（見到會唔會尷尬？）唔會，（點樣對付情敵？）感情冇得fight，係你就係你，唔係你嘅就唔係你。」說時甚為風騷。

陳豪與佘詩曼緋聞傳得熱烘烘。 （資料圖片）

梁政珏（左）和陳萌收起性感，攬熊扮cute。

Mandy不屑「撕」暴

同場的Mandy Lieu透露剛返回馬來西亞四天，在當地約會女性好友行山及游水，問到不怕曬黑嗎？她笑說：「都驚呀，我哋四個女仔搽咗三支防曬。」記者笑言她一行四女豈不很dry？她說：「有三個都冇男朋友，得一個有男友，不過都唔會太dry，感情事隨緣啦！」

談到有o靚模自拍「撕」暴短片宣傳？Mandy有點不屑地說：「我未睇過條片，唔知有幾過分，不過每個人都有自己宣傳方法，祝佢好運啦，但我自己就絕對唔會咁樣做囉！ 」

採訪：名人組