阿倫狂吸Mr.精華
樂壇校長譚詠麟昨日帶埋樂隊Mr.到電台接受訪問，他表示新碟由Mr.及蘇打綠的成員青峰包辦所有歌詞，希望跟年輕一輩合作擦出新火花，校長說：「今次係開放式咁去做，好想將Mr.由年輕人市場再拉闊多啲，我就好似舊海綿咁，吸收晒大家精華，大家溶埋一齊玩音樂！」
Mr.透露七月將會推出新書，成員MJ稍後會推出個人書作，Dash表示：「其實上年年頭已經想出，今次有文字亦有部分相片，同埋幾首歌歌譜，對Mr.個意義好緊要，（入唔入到書展？）入到，（係咪冇事業線？）我都有呀，不過唔知點擠之嘛！」