Eason梁炳曲線幫英軍出氣
陳奕迅（Eason）與梁漢文為支持世界盃，日前二人分別穿上阿根廷波衫及巴西波褲在大坑醫肚，Eason力撐今晚出戰德國隊的阿根廷，希望為敗於德國隊的愛隊英格蘭出一口氣！
波牛Eason及梁漢文經常相約踢波，日前下午約二時，二人先於大坑醫肚，更不介意於炎熱天氣下踎大牌檔，兩人大擦一輪後不禁吃至汗流浹背，逗留約半小時便火速埋單離開。
全副武裝踎大牌檔
現場所見，Eason及梁炳為支持世界盃，前者穿上了有巴西隊徽章的波褲，但卻踢拖上陣。至於梁炳則全副運動裝束，上身則穿上阿根廷波衫。事後聯絡上Eason，問到他是否熱捧巴西隊？他說：「其實我最愛係英格蘭，上次佢哋輸畀德國，我已經講笑咁話，要賣晒我兩部德國車o架喇！所以好希望今晚阿根廷可以贏到德國，幫英格蘭出番啖氣！」何以他穿巴西波褲上陣？Eason說：「因為我阿爸都鍾意巴西隊，所以我都幾鍾意呢隊波o架。」
希望睇到阿巴大戰
同是英格蘭擁躉的梁炳亦說：「我都捧阿根廷呀，如果今屆可以睇到阿根廷對賽巴西就好喇，我記得只係82年睇過咋！」
文、攝：追蹤組